Aurten ere ikastetxeko Batxilergoko 1go mailako ikasleek Euskadiko Filosofia olinpiadetan parte hartu dute martxoaren 4an Transhumanismoaren inguruko beraien bideo-filosofikoak aurkeztuta. Bideogintzan, ikasle ohia, EHUko irakaslea eta ikus-entzunezkoetan doktorea den Itsaso Maniasen laguntza jaso dute eskolan garatu duten SETEM GKEarekin elkarlanean antolatutako ikastaroaren bitartez.
Esan bezala, prestaturiko bideoek teknikaren bitartez gizakiaren hobekuntzaren mugak, albokalteak eta zalantzak agertu behar zituzten. Azken baten antropologia filosofikoak planteatzen dituen gaiei buruzko hausnarketa hain gertu duten baliabidea erabilita, ikus-entzunezkoa. Martxoaren 25ean izango dugu epaimahaiaren erantzunaren berri.
