Pasa den asteburuan, gure ikastetxeko DBH 4. mailako Teknologia ikasgaiko hainbat ikaslek First Lego League nazioarte mailan antolatzen den programan parte hartu zuten.100 herrialdek baino gehiagok hartzen dute parte eta Zientziarekiko eta teknologiarekiko interesa eta STEM arloko helburu profesionalak modu dibertigarrian sustatzea du helburu.

Esperientzia ahaztezina izan zen gure ikasleentzat; haien sormena, talde-lana eta trebetasun teknologikoak erakutsi zituzten txapelketako proba guztietan. 

Eguna borobiltzeko “Kidetasunari Saria” lortu zuen Elkar Heziko taldeak, lankidetza, komunikazio eraginkorra eta harmonia nabarmentzen dituen sari benetan berezia.

ZORIONAK parte-hartzaile guztiei! Lorpen honek gure ikastetxearen konpromisoa islatzen du teknologiaren hezkuntzan eta ahalegina zein talde-lana sustatzeko balioetan.

Espero dugu etorkizunean arrakasta gehiagoren lekuko izatea!