Pribatasun Politika

Pribatutasun Politika – Datu Pertsonalen Babesa

1. Atarikoa
Datu Pertsonalak Babesteko abenduaren 13ko 15/1999 Lege Organikoa (aurrerantzean, DBLO) eta bere arautegiaren arabera, erabiltzaileei jakinarazi nahi zaie web gune honen bidez ematen dituzten datu pertsonalak CPEIPS Elkar Hezi HLBHIPren fitxategietan jasoko direla, horixe baita Fitxategiaren Erantzulea. Hala, jasotako kontsultei eta eskaerei erantzuteko, erabiltzailearekin harremanetan jartzeko, eskatutako zerbitzuen kudeaketa-lana egiteko, harremanetarako eta bere jarduerari legez dagozkion funtzio guztiak egiteko erabiliko dira.

Erabiltzaileen datu pertsonalak isilpean erabiliko dira. CPEIPS Elkar Hezi HLBHIPk erabiltzaileen datu pertsonalak pribatutasunez erabiltzeko eta horiek babesteko konpromisoa dauka; hala, eskura dituen baliabide guztiak erabiltzen ditu, interesdunen segurtasuna eta pribatutasuna bermatzeko.

Web guneak kanpoko beste web gune eta kanal eta sare sozial batzuetarako estekak eskaintzen ditu (esate baterako, Facebook, Twitter, e.a.). CPEIPS Elkar Hezi HLBHIPk ez du bere gain hartzen estekatutako gune horietako erantzukizunik. CPEIPS Elkar Hezi HLBHIPk erabiltzaileari jakinarazi nahi dio, kanpoko web gune eta kanal eta sare sozial hauetan sartu nahi badu, CPEIPS Elkar Hezi HLBHIPk eskainitako estekak erabiliz edo ez, kanpoko web gune horien erabilera baldintzak, pribatutasun politikak, cookie politikak edo bestelako baldintzak edo/eta arauak web gune horien arduradunen erantzukizunak dira.

CPEIPS Elkar Hezi HLBHIPk erabiltzaileei gomendatzen die begira ditzatela haurren eta gazteen datu pertsonalen babesari buruz Datuak Babesteko Euskal Bulegoak argitaratutako hainbat material. Informazio hori guztia (teknologia berrien erabilerari buruzko eskuliburuak, bideo hezitzaileak, etab.), hain zuzen, www.kontuzdatos.info helbidean dago ikusgai.

2. Datu pertsonalak biltzea

CPEIPS Elkar Hezi HLBHIPk ez dio erabiltzaileari datu pertsonalak emateko eskatzen, bere web gunean sartzeko; alabaina, zerbitzu batzuk erabiltzeko, esate baterako formularioak, ezinbestekoa da erabiltzaileak datu pertsonalak ematea. Erabiltzaileak era askean eta borondatez emango ditu bere datuak. CPEIPS Elkar Hezi HLBHIPk erabiltzaileak eskatutako zerbitzua jasotzeko beharrezkoa den informazio pertsonala baino ez du eskatuko.

Web gune honetan edozein eratako edukiak (datuak, testuak, bideoak, soinua, argazkiak, grafikoak, mezuak edo bestelako materiala) txertatzen dituen erabiltzaileak adierazi eta bermatu behar du hemen adierazitako baldintzen arabera egingo duela.

Hirugarrenen datu pertsonalak gehitzen dituen erabiltzaileak adierazi behar du pertsona horien aurretiko eta informatutako baimen zehatza daukala datuak argitaratzeko.
Erabiltzailearen ardura eta beharra izango da emandako datuen zehaztasuna, zuzentasuna eta egiazkotasuna bermatzea eta, behar den kasuetan, datu hauek eguneratzea. CPEIPS Elkar Hezi HLBHIPk ez du honen inguruko erantzukizunik hartuko bere gainean.

CPEIPS Elkar Hezi HLBHIPk ez die inolako datu pertsonalik eskatuko adingabeei. Datu pertsonal guztiak haurren tutore edo gurasoenak izango dira. CPEIPS Elkar Hezi HLBHIPk gurasoei eta legezko tutoreei gomendatzen die web gune honetan nabigatzen laguntzeko euren seme-alabei. Orria erantzukizunez erabiliz gero baino ez baikara seguru ibiliko.
Web gune honen bitartez informazioa bidali behar bada, ezinbestekoa da honako pribatutasun politika honetan eta web gunearen baldintza orokorretan deskribatutako datuen tratamendurako baimena ematea.

3. Interesdunen eskubideak

CPEIPS Elkar Hezi HLBHIPk erabiltzaileari gogorarazi nahi dio edonoiz erabil ditzakeela datuetan sartzeko, datuak aldatzeko zein ezeztatzeko eta tratamenduari aurka egiteko eskubideak. Horretarako, idatzia bidali beharko dio Fitxategiaren Erantzuleari: Arantzazuko Ama, 18 · 20560 Oñati – Gipuzkoa, Telefonoa: 943718272 edo, bestela: zuzendaritza@elkarhezi.com helbide elektronikoaren bitartez. Eskaerarekin batera, interesdunaren Nortasun Agiriaren fotokopia bidali beharko da.

Eskaera lege-ordezkari moduan egiten badu, berriz, Nortasun Agiriaren fotokopia ez ezik, ordezkaritza horren egiaztagiria ere bidali beharko du.

4. Segurtasun-neurriak

CPEIPS Elkar Hezi HLBHIPk, bere fitxategietako datu pertsonalak erabiltzean, datuen segurtasuna bermatzeko eta horiek aldatzea, galtzea edo baimenik gabe erabiltzea saihesteko beharrezkoak diren neurri tekniko eta antolamendu neurriak hartuko ditu. Betiere, teknologia-egoera, bildutako datuen izaera eta horiek izan ditzaketen arriskuak kontuan izanda; bai giza jardunak eragindakoak, bai ingurune fisiko zein naturalak eragindakoak. Horretarako, aintzat hartuko du datu pertsonalak biltzen dituzten fitxategien segurtasun neurriak aplikatzeari buruz indarrean den legedia; batez ere, DBLO eta beronen garapenerako araudia. Nolanahi ere, erabiltzaileei argi adieraziko zaie segurtasun-neurri informatikoak ez direla erasoezinak, eta ondorioz, gerta litezkeela legez kanpoko esku-hartze edo esku-hartze bidegabeak, baina ez liratekeela CPEIPS Elkar Hezi HLBHIPren erantzukizunpekoak.

5. Trafiko datuak

CPEIPS Elkar Hezi HLBHIPren web guneak, zerbitzu hobea eskaintzeko asmoz, erabiltzailearen IP helbidea erregistratu dezake. Era horretan, gerora, datuak prozesatu ahal izango dira, esate baterako, ikusitako orrialdeen kopurua, bisiten kopurua eta web-orriko bisitarien jarduera eta erabilera-maiztasuna zein izan den aztertzeko.

Erabiltzaileak aurretiko baimena ematen dio CPEIPS Elkar Hezi HLBHIPri bere IP helbidea tratatzeko web gune honetan sartzen denean. Horrela, ez da beharrezkoa izango baimen hau jasotzea web gunean sartzen den bakoitzean.

Aipatutako helburua lortzeko, Google Analytics-ekin ari gara web gune hau neurtzen eta aztertzen. Aztertzaile horrek orrialdeetako markak eta cookieak erabili ahal izango ditu, CPEIPS Elkar Hezi HLBHIPren web guneko orrialdeetan gertatzen dena aztertu ahal izateko.

6. Indarraldia

CPEIPS Elkar Hezi HLBHIPk beretzat gordetzen du bere pribatutasun-politika aldatzeko eskubidea, bai ordura arteko irizpideak aldatu dituelako, bai lege- edo jurisprudentzia-aldaketak izan direlako. CPEIPS Elkar Hezi HLBHIPk aldaketaren bat eginez gero, ordea, testu berria web gune berean argitaratuko du, eta erabiltzailea berehala ohartuko da. Dena den, erabiltzailea web gunean sartzen den unean bertan aurreikusita dauden arauek arautuko dute erabiltzaileekiko harremana. Horregatik, CPEIPS Elkar Hezi HLBHIPk gomendatzen dizu aldian-aldian sartzeko pribatutasun-politika horretara.